وصفة ام عصام

سلطة مشكلة للضيوف من ارز الوان و الخضر

نحط المقاديرو الطريقة ولا واقيلا كلشي باين؟؟
مرحبا
فالاول كاناخدو الروز(انا خديت الروز اللي فيه الالوان) نسلقوه مع شوية الملحة نصفيوه أو نزيدو عليه حك ديال الطن و معلقة كبيرة المايونيز و معلقة كبيرة الماييس أو نخليوه يبرد أو نسلقو البطاطا و خيزو و الباربا (كانغسلهوم مزيان و نخليوهم بقشرتهم ندير كل حاجة فبلاستيكة أو ندير كلشي في طنجرة حتى يطيب هاكدا باش يحتافظو على المذاق أو اللون) نقطع كلشي و كل حاجة كانزيد فيها الملحة و شوية الخل و ناخدو اخس نستفوه فالقاع أو نديرو الاطارات أو نديرو فيهم الروز أو ندورو ليه الخضر أو نزيدو الدرة أو الكروفيت مسلوق و لاداند جومبون و نزينو ببيض السمان مسلوق و الزيتون اسود و السوريمي اما بالنسبة لا لاصوص درت 2
الولئ لاصوص كوكتيل
فيها: 2معالق المايوني ز(2فرماجات -بيضة-ملحة-كاس زيت رومية)
معلقة كيتشوب
معلقة الموطارد
لاصوص الثانية بزيت اركان .كاتجي واعرة و بزاف فيها:
نص كاس عصير ليمون
نص كاس زيت اركان
2 معالي موطارد
بصلة مشلضة أو مشحرة فشوية الزيت
أو معدنوس مكرض رقيق
فالخلاط كانديرو عصير الليمون و الموطارد و دائما مع التخلاط كانضيفو اركان حتي يعقاد شوية أو نزيد البصلة والمعدنوس و بالصحة و الراحة راه نقدرو نحتافظو بهاد الصلصة حتال اسبوع