بسطيلة بالسردين روعة

المقادير.
كيلو ونصف من حوت السردين
علبة الشومبينيو.
بكية كبيرة فرميسيل مرطبة فماء دافئ ومقطعة بمقص
ملعقة كبيرة هريسة حسب الرغبة
100غرام فرماج محكوك
قزبر ومعدنوس مقطع
4 فصوص تومة محكوكة
عصير حامضة
معلقة كبيرة عطرية الحوت
ملعقة تحميرة
2 ورقة سيدنا موسى
ملعقة كبيرة زبدةومعلقة ملح
2 معلق كبار صوص صوجا
بزار(فلفل اسود)
زيتون اخضر مقطع
نصف كاس زيت العود
جوج جزر محكوك
2 بصلة مشلضة او نصف كيلو بورو مشلض

الطريقة.

ناخدو السردين نغسلوه ونستفو فطاوة نرشو بالملحة وندخلوا الفران مني يطيب نقيه من القشرة ديالوا والشوك ا فمقلة نديرو البصلة تشحر مع الزبدة والزيت ونضيف الجزر من بعد نزيد الشومبينيو نحرك ونضيف التومة وعطزية الحوت تم التحميرة.الملح.البزار.الربيع مقطع وعصير الحامض وورقة سيدنا موسى والهريسة ودائما مع التحريك المستمر فالاخير نزيد الفرميسيل ونطفي ونزيد الفرماج والزيتون والسمك و نخدو ورقة البسطيلة  ندهنوها و نديرو فيها الحشوة بطريقة لمعروفة ديل بسطيلة و ندخلوها لفرن بصحة و راحة .